Liliana Palermo naskiĝis en Napolo, kie ŝi vivas kaj laboras. Finitaj la universitataj studoj, ŝi sin dediĉis al sia unua amo: la teatro, kiu estas ŝia nuntempa profesia agado. De teatro al televido kaj al kinejo la paŝo estis mallonga kaj tiel ŝi laboris kun reĝisoroj kiaj Gabriele Lavia, Federico Fellini, Romolo Siena kaj aliaj. Ŝi partoprenis plurajn televidajn kaj radiajn scenromanojn. Ŝi verkis rakontojn kaj teatraĵojn kaj itale kaj dialekte. Dotita je fantazio kaj kreivo ŝi komencis verki poemojn naŭjaraĝa kaj deksepjara, post kelkaj lecionoj pri gitarludado, komencis verkis kanzonojn. Iuj ŝiaj poemoj troviĝas en pluraj antologioj inter kiuj “Poeti napoletani I” kaj “Poeti napoletani II”, eldonitaj de Loffredo.

Ŝia nomo troviĝas en la Nova Ilustrita Enciklopedio de la Napola Kanzono, zorge de la ĵurnalsto kaj kritikisto Pietro Gargano. Ŝi edziniĝis kun majstro Austin Forte “la itala ora trumpeto” kaj prezentis dum jaroj liajn koncertojn kaj diversajn spektaklojn; kun li ŝi realigis ankaŭ la diskon “Napoli versi e musica” (Napolo versoj kaj muziko) kaj estis ĝuste Austin Forte (muzikisto kaj pentristo) kiu, kompreninte ŝiajn diversajn talentojn, ŝin puŝis al la arto de pentraĵo. Ŝi partoprenis interesajn ekspoziciojn kaj maro estas ŝia konstanta inspirmotivo.

 

——-

Liliana Palermo pruntis sian voĉon al Francesca da Rimini kaj legis la koncernajn versojn (88-142) en la traduko en la napola dialekto de Nazario Napoli Bruno.
Por aŭskulti ĉi tiun legadon alklaku ĉi sube:

Por legi la versojn dum oni aŭskultas la legadon, alklaku ĉi tie kaj funkciigu la aŭdan kunligon el la tekstopaĝo.

——-