Humphrey TonkinHumphrey Tonkin naskiĝis en Britio (Truro, Kornvalo, 1939) kaj translokiĝis al Usono kiel doktoriĝa studento. Li diplomiĝis pri angla literaturo ĉe Kembriĝa Uinversitato kaj doktoriĝis ĉe Harvard-Universitato. Dum multaj jaroj li instruis anglan literaturon en la Universitato de Pensilvanio.  Li ankaŭ rolis kiel gastprofesoro pri angla kaj kompara literaturo en la Universitato Columbia. En 1983 oni nomis lin prezidanto de la Ŝtata Universitato de Novjorkio en Potsdam kaj en 1988 li fariĝis prezidanto de la Universitato de Hartford. Li estas nun emerita prezidanto kaj Universitata Profesoro pri humanecaj studoj ĉe Hartford. Li instruas pri Ŝekspiro en la Teatra Fako de la Fakultato Hartt pri prezentaj artoj de la Universitato de Hartford. Li rolis diversmaniere en internaciaj medioj, kiel prezidanto de la estraroj de la Konsilio pri Internacia Fakula Interŝanĝo, la Kanada Komisiono Fulbright, la Internacia Ligo por Servo-Lernado, kaj, plej laste, la Centro pri Aplika Lingvistiko. Li estas ankaŭ iama prezidanto de Universala Esperanto-Asocio kaj vaste verkis pri demandoj de lingvopolitiko kaj lingvoplanado, kaj estas emerita redaktoro de la faka revuo Language Problems and Language Planning.

——-

Humphrey Tonkin pruntis sian voĉon al Uliso kaj legis la koncernajn versojn de Dante (Infero, XXVI, 90-142) en la angla traduko de Henry Francis Cary.
Por aŭskulti ĉi tiun legadon alklaku ĉi sube:

Por legi la versojn dum oni aŭskultas la legadon, alklaku ĉi tie kaj funkciigu la aŭdan kunligon el la tekstopaĝo.

——-

Por aŭskulti el la voĉo de Humphrey Tonkin la legadon de la poemo Ulysses far Alfred Tennyson, kaj por vidi ĝian tekston, alklaku ĉi tie.

Truro, Cornwall, England