Hovhannes Tiracujan naskiĝis en la urbo Erevan (Armenio) en 1954.  Li studis en la Medicina Universitato de Erevan kaj doktoriĝis en 1978.  Nun li laboras kiel sanitara kuracisto en urba epidemiologia stacio.

Ekde junaĝo unu el liaj ŝatokupoj estas  tutmonda historio kaj aparte historio de Antikva Armenio.   Li ankaŭ ŝatas muzikon kaj literaturon.

En 1985 li komencis interesiĝi pri la internacia lingvo esperanto kaj studis ĝin en grupo, kie la lingvon instruis lia estonta edzino.  Nun li havas esperantan familion:  edzinon kaj filinon.  Li partoprenis en Esperanto-aranĝoj en diversaj landoj, kiel Rusio, Litovio, Kubo, aktivas en la movado kaj tradukas historiajn tekstojn de la armena al esperanto.

——-

Hovhannes Tiracujan pruntis sian voĉon al Uliso kaj legis la koncernajn versojn (Inf., XXVI, 91-142) en la traduko armenlingva de Arpun Dayan.

Por aŭskulti ĉi tiun legadon alklaku ĉi sube:

Por legi la versojn dum oni aŭskultas la legadon, alklaku ĉi tie kaj funkciigu la aŭdan kunligon el la tekstopaĝo.

Por legi la armenajn versojn en latina transkribo dum oni aŭskultas la legadon, alklaku ĉi tie kaj funkciigu la aŭdan kunligon el la tekstopaĝo.