Grazia Migneco, aktorino kaj itala dublisto, naskiĝis en Milano en 1929 kaj frekventis la lernejon de Paolo Grassi, kiam ĝi ankoraŭ ne nomiĝis Lernejo de la “Piccolo Teatro” de Milano. Tre baldaŭ ŝi estis alvokita de RAI, Itala Radio kaj Televido, kie restis kvin jarojn en sekcio prozo, estrata de Enzo Ferrieri. Samperiode, inter la fino de la kvardekaj kaj la tutunuaj kvindekaj jaroj, partoprenis ses spektaklojn de la Piccolo Teatro, ĉiuj reĝisorataj de Giorgio Strehler. En 1952 ŝi edziniĝis kun la aktoro Gianni Mantesi, kun kiu ŝi ankoraŭ nuntempe vivas en Milano.

Dum la daŭro de sia kariero Grazia Migneco laboris ankaŭ kun la Teatro Ruzante de Padovo (kun Gianfranco De Bosio), kun la Teatro de la Tri Venecilandoj, kun la Teatro Sankta Erasmo kaj kun la trupo Volonghi-Buazzelli-Lionello, ĉiam en gravaj roloj.

Post kelkaj jaroj, dum kiuj ŝi elektis sin dediĉi al la intertempe plinombrigita familio, ŝi rekomencis aktori, laborante kun Franco Parenti ĉe Teatro Pierlombardo, nun Teatro Franco Parenti, kie ŝi resti seninterrompe dekdu jarojn ĝis la forpaso de la reĝisoro, partoprenante tamen al iuj spektakloj ankaŭ pli poste.

Ŝi instruis dum kelkaj jaroj en la lernejo de C.T.A. (Centro Aktiva Teatro) de Milano, estrata de Nicoletta Ramorino, ĉe la kursoj pri komika teatraĵo.

Dum jaroj ŝi partoprenis en la sendependa teatra trupo fondita en la okdekaj jaroj de sia edzo Gianni Mantesi, kaj de li estrata, kune kun aktoroj de elpruvita sperteco kiaj Enrico Bertorelli, Maurizio Scattorin, Augusto Di Bono, Nicoletta Ramorino kaj aliaj. Aparte, ek de la naŭdekaj jaroj, Grazia Migneco kaj Gianni Mantesi laboris ofte kune en mallongaj sed tre altvaloraj spektakloj, kiel Una coppia di single (“Paro de unuopuloj”) de Carlo Terron (eltirita el la taglibroj de Leono Tolstoj kaj de lia edzino), kaj Lui, lei e… io n’esco (vortludo pri la nomo de la verkisto, signifanta “Li, ŝi… kaj mi eliras de tie”), mozaiko de pecoj pri la paro-vivo, eltirita el la verkoj de Eugène Ionesco, kreita el ideo de Mario Mattia Giorgetti.

Grazia Migneco laboris multe ankaŭ radie kaj televide kaj ankaŭ multe kiel dublisto. Nuntempe ŝi ankoraŭ iome dublas kaj aktoras en radi-televida reklamado.

——-

Grazia Migneco pruntis sian voĉon al Francesca da Rimini kaj legis la koncernajn versojn originalajn de Dante (Infero, Kanto V, versoj 88-142).

Por aŭskulti ĉi tiun legadon alklaku ĉi sube:

 

Por vidi la tutan spektaklon Lui, lei e… Io n’esco, kun Grazia Migneco kaj Gianni Mantesi (en la itala), alklaku ĉi tie