Tano Avanzato, naskiĝinta en 1957 en Campobello de Licata (Agrigento), estas sicilia rakont-kantisto. Li komencis tiun agadon en 1991 fondante, kune kun sia edzino Erminia Terranova, la Grupon pri popola kantado Zabara. Li koncertis plurcentfoje en pluraj siciliaj urboj, en aliaj suditalaj regionoj kaj en Lombardio, kaj plue en Francio, Britio kaj Usono.

En 2002 li gajnis la premion “Memorial Rosa Balistreri” per la kanzono Malarazza (“Fia raso”).

Li estas aparte konata kaj aprecata pro siaj muzikaj prezentoj de la poemoj de Ignazio Buttitta (1899-1997), unu el la plej famaj sicili-dialektaj poetoj, [1] kaj li realigis plurajn eventojn kunlabore kun la Fondaĵo Ignazio Buttitta de Palermo, kiu eldonis iujn KD-ojn kun liaj kanzonoj kaj, interalie, lin invitis ofte prezenti didaktikajn spektaklojn por la superaj mezgradaj lernejoj.

En 2006 li surbendigis pecon titolitan La Tristizza (“La Malgajo” dialekte) kiu enestas en duobla antologia KD nomata La mia vita vorrei scriverla cantando (“Mian vivon mi volus verki kantante”), al kiu partoprenis la plej valoraj reprezentantoj de la sicilia popola kanto, dum en 2007 li eldonis KD-n de Gruppo Zabara, surbendigita rekte en koncerto, nomata Lu trenu di lu suli (“La trajno de la suno” dialekte).

Ĉiam en 2007, enkadre de la Festival delle Orestiadi de Gibellina (Trapani), li partoprenis spektaklon kune kun Etta Scollo, Pier Paolo Petta, Franco Scaldati reĝisorata de Enrico Stassi, el kiu Fondaĵo Buttitta kaj Regiono Sicilio eldonis KD-n nomatan Nun sugnu poeta (“Mi ne estas poeto” dialekte).

En 2010, kunlabore kun la Arkivoj de la Rezista Milito kaj kun la Blanca Teatro de Carrara, li prezentis en Toskanio kaj Ligurio la spektaklon Ballata per i fratelli Cervi (“Balado por la fratoj Cervi”) [2] de Ignazio Buttitta, kiu premieris ĉe Blankanfest de Carrara. Sekvan jaron, ĉiam kunlabore kun la Blanca Teatro, li partoprenis la spektaklon Portella della ginestra (“Pordo de la genisto”) [3] de Ignazio Buttitta, surscenigita premiere ĉe la Festivalo de la Rezisto-milito en Fosdinovo (Carrara).

Nuntempe (2014) Tano Avanzano kaj Grupo Zabara estas prilaborantaj novan spektaklon pri mafio (kun la partopreno de Giuliano Turone) kun la titolo Io vedo, io sento…e parlo – Mafia da sud a nord (“Mi vidas, mi aŭdas kaj… mi parolas – Mafio de sudo ĝis nordo”) kiu debutis en Milano novembre 2011 sub la aŭspicio de la Asocio Saveria Antiochia – Omicron de Milano.

——-

Tano Avanzato pruntis sian voĉon al Uliso kaj legis la koncernajn versojn (Infero, XXVI, 90-142) en la traduko en sicilia dialekto de Giovanni Girgenti.

Por aŭskulti ĉi tiun legadon alklaku ĉi sube:

Por legi la versojn dum oni aŭskultas la legadon, alklaku ĉi tie kaj funkciigu la aŭdan kunligon el la tekstopaĝo.


[1] Kelkaj poemoj de Ignazio Buttitta, tradukitaj al esperanto, troveblas en la volumo Luigi Piranello kaj aliaj siciliaj aŭtoroj, publikigita fare de Itala Esperanto Federacio, Milano 2012.

[2] Pri la sep fratoj Cervi, mortpafitaj fare de la faŝistoj dum la Rezista Milito (28 decembro 1943), vidu en Vikipedio itala, en Vikipedio angla kaj en Vikipedio rusa.

[3] Pri la masakro de Portella della Ginestra, montara loko proksime de Palermo, okazinta la 1-an de majo 1947, vidu en Vikipedio itala, en Vikipedio angla, kaj en Vikipedio albana.