Igor Grčko estas kroata muzikisto kaj teatra reĝisoro, kiu formiĝis profesie en Rijeka, kie diplomiĝis pri violono en 1980 ĉe la loka Muzika lernejo kaj en Zagrebo, kie vizitis la Akademion pri Drama Arto. De pluraj jaroj li vivas kaj laboras en Romo kie estras la teatran lernejon Centro Formazione Attori (http://www.formazioneattori.it/) kaj kie prezentis multnombrajn teatraĵojn karakterizitajn per noviga kaj avangarda kreivo. Aparte interesaj, laŭ tiu vidpunkto, estas liaj interpretoj de la teatraĵoj de Ionesco, inter kiuj elstaras tre originala interplektado inter La Kalva Kantistino kaj La Leciono laŭ tute nova aliro riĉa je referencoj al filmoj de James Bond (1999). Inda je mencio estas ankaŭ la surscenigo de La proceso al Franz Kafka, tre aparta spektaklo bazita sur pluraj verkoj de la grava praga aŭtoro kiun surscenigis 24 geaktoroj kaj 4  muzikistoj, lokitaj en sceneja strukturo trietaĝa (2000).

Lia lasta teatraĵo estas Il Protocollo (“La Protokolo”), tute virina spektaklo interpretita fare de kvar aktorinoj riuj formiĝis ĉe lia lernejo prezentita la unuan fojon ĉe la Teatro dell’Orologio en Romo (2013).

Unu el la kvar aktorinoj, Alessandra Coronica, estas unu el la legantoj kiu pruntis sian voĉon al Francesca el Rimini por tiu ĉi retejo, legante la originalajn versojn de Dante en la itala lingvo.

Igor Grčko aliflanke pruntis sian voĉon al Francesca por la legado de la koncernaj versoj (88-142) en la kroata traduko de Mihovil Kombol.  Por aŭskulti lian legadon alklaku ĉi sube:

Por legi la versojn dum oni aŭskultas la legadon, alklaku ĉi tie kaj funkciigu la aŭdan kunligon el la tekstopaĝo.