Alessandra Mandese, itala aktorino, naskiĝis en Taranto kaj vivas en Brindisi. Ŝi akiris diplomon de proza Aktoro ĉe la tri jarojn daŭra lernejo “Sceneja Esprimo kaj Interpretado” de la Apulia Pubika Teatro de Bari, estrata de Orazio Costa Giovangigli.  Ŝi samtempe frekventis Dams (Disciplinoj Artaj, Muzikaj kaj Spektaklaj) ĉe la Universitato de Bologna, kvalifikiĝante pri Teatro. Sekvante la instruojn de Orazio Costa ŝi pasiiĝis por poetika legado, lernante ĝiajn teknikojn laŭ la “mima metodo” de la Majstro, kiu kondukas la lernanton al kompleta enmemiĝo en la fenomenon kiu generas la poetikan kaj scenejan vorton. En tiu kunteksto, aparte, ŝi alproksimiĝis al Dante, dank’ al sonetoj de Vivo Nova, stud- kaj esplortemo ene de la akademiaj studoj.

Ŝi partoprenis kiel aktoro mallongajn filmojn kaj plurajn spektaklojn kaj teatrajn recitalojn. Ŝi laboris kiel radia aŭtoro, gvidanto kaj reĝisoro por pluraj brodkaststacioj kaj kiel anoncisto de eventoj, okazaĵoj kaj spektakloj. Ŝi estas profesia parolisto kaj voĉo de multnombraj dokumento-filmoj kaj radiaj kaj televidaj reklampecoj. Ŝi instruas aktoradon, elparolon, esprimivan legadon kaj teatrhistorion ĉe privataj kaj publikaj lernejoj. Nuntempe ŝi gvidas ĉiutagan radian elsendon ĉe la apulia dissendostacio Idea Radio.

En la tri legaĵoj kiujn oni povas aŭskulti de tiu ĉi ret-paĝo, Alessandra Mandese donas sian voĉon al Francesca de Rimini respektive en la versoj 88-142 de la V Kanto de la Infero kaj en du dialogoj inter Paolo kaj Francesca eltiritaj el la tragedio Francesca de Rimini de Gabriele D’Annunzio. La fona muziko estas eltirita de la samnoma simfonia poemo de Ĉajkovskij. La vira voĉo estas de Giuliano Turone.

La tri legadojn, eltiritajn de teatra legaĵo surscenigita en Brindisi la 4an de junio 2014 (Francesca de Rimini. Kontribuo de Dante kaj Boccaccio al la lukto kontraŭ survirina perforto), eblas aŭskulti ankaŭ en la retpaĝo enhavanta la koncernajn tekstojn.

——-

Unua legaĵo:  Dante, Infero, kanto V, versoj 88-142:

——-

Dua legaĵo:  D’Annunzio, Francesca da Rimini, Akto II, Sceno III:

——-

Tria legaĵo:  D’Annunzio, Francesca da Rimini, Akto III, Sceno V: